Sólargeislar á múrsteinahúsi...

Sólin skín inn um danska gluggann minn. Áðan kraup ég við gluggann og brosti til hennar þar sem hún laumaði geislum sínum yfir múrsteinahúsið á móti. Hún hitaði kinnarnar mínar og hjartað hoppaði af gleði. Skýin hafa haft yfirhöndina í dag og hellt regni yfir Kaupmannahöfn. Við flúðum á milli búða á Strikinu og fundum nokkra fjársjóði í búðunum. Eftir nokkra tíma stigu fimm íslendingar upp í strætisvagn, uppgefnir í fótunum og örlítið blautir eftir rigninguna en ánægðir með árangurinn.

Varð hugsað til Perlunnar minnar áðan. Tannlæknirinn hennar tók endajaxlana hennar í vikunni, ljóti kagl! Yndið mitt, ef að þú lest þetta þá er ég búin að hugsa sérlega vel til þín og tannanna þinna í vikunni og vona ég að þér líði sem best. Mér þykir alveg ótrúlega vænt um þig sólargeislinn minn! Knús! :*

Athugasemdir

[Tinna Rós Steinsdóttir, 16.8.2007 kl. 13:33]

Einu sinni lenti ég í hellirigningu á Stikinu í Kaupmannahöfn og fallega svarta pilsið sem ég var í byrjaði að leka og ég varð öll svört röndótt á fótunum. Það endaði þannig að ég VARÐ að kaupa mér buxur, því ég gat ekki gengið um Kaupmannahöfn svona röndótt. Það var samt gaman sko :)

[Lára Halla Sigurðardóttir, 16.8.2007 kl. 18:02]

Og fannstu svo 500 kall? ;)

Bróðir minn fann reyndar 100 kr danskar á Mcdonalds.

Það er svo gaman að versla í HM......:D